شعر: جون كرم
لما بليلي بفكّر بردّي
بربط الماضي بحاضري وغدّي
وبقول للماضي الرحل هربان
هربان مني وشايفك حدّي
إخدت يا ماضي معك خِلان
كان بيني وبينن مودي
حامل صليبي عا كتف عريان
ودمعتي بزرع عالمخدي
شو صار يا ماضي المضي منشان
حاضرك هالقد متردي
وشو صار حتى موطني لبنان
بوجو الدني هالقد مسودي
الإنسان فينا بيخسر الإنسان
هاجر لعندك من بع مدّي
وهاجر ضمير الحي والوجدان
وبطّل الزهر بحقلتو يندّي
رجّع إلي ماضي حلو اللي كان
وحاضري وغدي إلك بهديك
ومنك أنا غير هيك ما بدي