شعر: جون كرم
الناس هني بهالدني أجناس
في ناس خلقو ملوك ماتوا ملوك
كانوا بحياتن معدن الإلماس
متل الذهب بالرونق المسبوك
ناس خلقو للوفاء نبراس
إن عطيوك وعد الوعد صك صكوك
جوا القلب بتحطهم عالراس
بتحبهم من حيث بيحبوك
وفي ناس هني متلنا يا ناس
بيضل في عليهم كتير شكوك
المعدن بيلمع بس هوي نحاس
بقلة وفاهم بالأذى بيرموك
بتكون معهم عم بتشرب كاس
وهني بيلاقو فيك مية توك
يسوع باعو بالمضى يوضاس
وفي ناس بتلاتين من قضة
يما بخمس قروش بيبيعوك
