شعر: صباح غريب
الليلة دي عاوزة أخطي
فوق رمالك ألف خطوة
حنسى كلّ الموج
وحمشي
بسّ دا مدموغ بشرطة
حمشي فوق رملك وموجك
وإن قدرت حاشيل حمولك
وارفع الرّايات وأقول :
أنتي المحطّة
الليلة دي مش عاديّة
أنتي عارفة أية القضيّة
بنت حلوة وشابّ عايق
فوق جبينه ألف غلطة
كلّ مرّة تنساها له
إن كدب بتعديها له
أصل قلب الواد قدر
يسكن هواها
وجاب في أيده ألف شنطة
فوق رمالك كنت بمشي
ويّا دمعي يغطّي وشّي
كلّ خطوة فوقها خطوة
حتي صوت موجك
في ودني
حتّي أنفاسي في صدري
هي نفس الريحة هيه
هي أنفاسي القديمة
مختلفتش ف الحكاية
أصل كان طيفك معايا
بس كان الفرق واضح
كنت وحدي