شعر: صباح غريب
بيرسملى خطوط الفجر
بتنور
بيرسملى ملامح حلوه
بتفكر
بيرسملى امل وحياه
كمان تكبر
بيرسملى كمان بكره
بيتصور
بيرسملى ملامح وجهك
البسام
بيرسملى حكايه كلها
انغام
بيرسملى خطوط الليل
في وقت الشمس متروح
ويرسملى ملامح خضره
وزرعه لسه راح تطرح
ويرسملى كمان تانى
معانى لسه راح تفرح
وانا قاعد ف مكتبى
وبرسم كل يوم شكلى
وانا راكب حصان فكرى
ومالى الدنيا بالالوان
بيرسملى
بيرسملى كتير في حاجات
على باله
لكني بس بخاف لأنه
علي ضهر
القلم ممحاه