شعر: عباس شعبان
مين منا بينسى بيروت
اللي فيها الماء عيون
عشنا فيها بشمس وفيٌ
وقطفنا ورد وليمون
رحنا نسبح بالروشة
والسبحة أحسن ما يكون
وسمعنا كل الأغاني
شحرورة وصافي وفيروز
مين فينا بينسى بيروت
أما الجبل يا محلاه
سوق الغرب وبشامون
وعاليه وصوفر وحمانا
ونبع الصافي وبحمدون
وما بننسى
طرابلس والبترون
وصيدا وصور ومرجعيون
والباقي علينا ما يهون
عشنا فيها بمحبة
لحد ما إجا الملعون
وخرٌب كل المودة
والطفل أصبح محزون
إنشالله بترجع الأيام
وتصير أحسن ما يكون
مين فينا بينسى بيروت