شعر: صباح غريب
دي حكايتي ذكرياتي
دي بدايتي
دي نهايتي
مستحيل أنساها وأمحي
كلّ كلمة من شفايفي
كلّ رَمشة من جفوني
أصلهم دول علّموني
ع الوفاء دايما جبلتى
ذكرياتي هىّ حلمي
إنّ حبّه جوّا قلبي
لمّا كنت بجنبه أجري
جنب خطوه تمدّ رجلي
لمّا يقعد كان ياخدني
جنب منّه ويساندني
كفّه كان يحضن لي كفّي
فوق سماه حسّيت بأنّي
طايرة من غير الجناح
حاسّة أنّي مش في سنّي
حاسّة أنّي أقوى منّي
رغم أنّي
كنت بتهجّى حروفي
بنسى جنبه كلّ خوفي
كان يدُوب
يادوب لأنّي بلمسه لحظة شجوني
لمّا كان بينادى اسمي
تختفي في الحال حروفى
إلّا اسمي
ذكرياتي دي عبادة
باقية دايما في زيادة
باقية بتطمن فؤاده
أنّه فعلا كان يربّي
هو حبّى بعد ربّى