شعر: جون كرم
يا موطني من بعد شي إسبوع
راجع بحسرة تارك ترابك
تارك ورايي مسبحة وشموع
تضوي العتم وتشعشع سرابك
أرزك على سفح الجبل مزروع
والتلج عم بيزين هضابك
بعلبك ال إسما بالدني مسموع
مغارة جعيتا للدني بابك
وكلما على جبالك طلعت طلوع
نجوم السما بتركع على عتابك
شعبك تا يهنا بعيشتو ممنوع
وبالقارات الأربعة شبابك
وصرنا بتهجير الفكر مشروع
وتوزعوا بكل الدني حبابك
هاجرت بالعينين مليو دموع
وعشت مر الهجر عا غيابك
خمسين عام من العمر مقطوع
والبقي من العمر يا لبنان
رح قدمو دفعة على حسابك
