شعر: جون كرم
خلقنا بدني بشهورها وسنين
مليار يمكن عمرها تخمين
وبلاد ما بتحدها العينين
نجوم وكواكب بالسما ملايين
قالولنا بلش الكون منين
من آدم وحوا وضلع وطين
وحية وتفاحة وبغمزة عين
آدم أكلها وغلّط المسكين
وقايين مع هابيل هالخيين
هابيل مات وقاتلو قايين
آدم غِلط نحنا دفعنا دين
من عمرنا من أول التكوين
يوضاس باعك بين بين وبين
وعاد وشنق عنقو بغصن التين
الإنسان عم يخسر على الحالين
وضاع ما بين الكفر والدين
قللي يا الله مين نحنا مين
