كلمات: الأرشمندريت مكاريوس وهبي المخلصي
توما من بين الشجعان
اتحدّى الموت وأسيادو
بجَمْعِةْ عِلّيّة ما كان
كان منسّق أوقاتو
يوحنّا وبطرس سمعان
عَ قبر السيّد فاتوا
لاقوا ملفوفة الأكفان
وحرّاس لْحدّو باتوا
خافوا قِيافا وحنّان
ولمجد الرّبِّ اشتاقوا
وصّوا وْصِيّة للإخوان
بْغرفة صهيون تلاقوا
كانت رؤية بالبستان
هيدا يسوع بذاتو
رحيم ومانّو ديّان
وزّع خَمرو وخبزاتو
قيامة ربنا نورا كان
ضو الكون وشمساتو
مَفرق بدهور الأزمان
موْتْ الشرّ وعلّاتو
لا تتكبّر يا إنسان
عَ المؤمن، عَ علماتو
حْكايتنا بدّا إيمان
تِحيي الناس اللي ماتوا
توما حَبّ يشوف الرّبّ
يجسّ بإيدو جروحاتو
يتبارك من جرح الجنب
ويمشي بصحبة رفقاتو
طوبى لعيون الإيمان
بإنجيل الكلمة نادوا
بعبادة سرّ القربان
بقدّاس الصلب اقتاتوا