بقلم : سناء سراج
لما تتخنق من الواقع بتضطر ..
تهرب للأحلام
ولما تخذلنا الأحلام ..
بنبكي على اللي راح مننا ..
على عمرنا .. على أحلامنا ..
على طموحنا .. اللي انعدم ..
على كل حاجة محققنهاش ..
على صبانا وشبابنا ..
على تعبنا وشقانا
وقلنا بكره خلاص نرتاح ..
وضاع عمرنا وبكرة لسه مجاش .
على الناس اللي ميستهلوش ..
على اللي ضيعنا عمرنا عشانهم
وهما مقدروش ..
على كل يوم ضاع مننا ماعشناهوش ..
على كل ضحكة حلوة اختفت
كانت في يوم مرسومة ..
فوق الوشوش .
على كل كلمة حب مسمعتهاش ..
على كل لحظه راحت مننا ..
في عتاب .. والم .
على كل ليل سهرناه نبكي ..
على اللي راح
و مرجعنهوش .
على كل حد اتمسكنا بيه .. يبقى ..
وهو على العشرة مبقاش ..
مبقاش على الحب ..
وسنين كتير وذكريات ..
مصانش عيش وملح ..
وبراءة قلب حبه .
على اللي غدر زمان ..
ودلوقتي كمان ..
على اللي هانت علىه ..
السنين والأيام ..
على اللي عاش بمبدأ ..
عيش ندل تموت مستور ..
على سأل عليك بس وقت حاجته ..
وبعدها اداك ظهره ..
على غربتك بين ناسك وأهلك ..
على وحدتك بين اعز ما عندك .
على الدموع اللي ملت عينك ..
ومش قادر تبكي .. وتبين ضعفك ..
على كل اللي راح من عمرك هدر ..
على ناس مايستاهلوش حزنك ..
ودموعك ووجع .. وكسرة قلبك ..
على اللي كنت عايش عشانهم ..
واشتريتهم بالغالي ..
وهما بالرخص باعوك ..
على اللي بتقدرهم وهما مقدروش ..
على اللي بتحرق نفسك عشانهم ..
وهما مفكروش ..
على غربتك على حرقتك ..
على وحدتك
وهما كتيييير حواليك ..
ياخسارة الرحلة .. رحلة عمرى ..
اللى انهدر
على ناس ..
.. ميستهلوش ..