شعر: جون كرم
الحرب وقفت والعِدا مشيوا لأمام
ومنطق السلم تغلب علا الإنتقام
البدُو الحرب عم يرجع اليوم لورا
البدُو السيادة عم بيمشى للأمام
كانوا يقولوا في علينا مؤامرة
وبين الغرب والشرق ما في احترام
وتا يواجهوا العدوان شو صار وجرى
تاجروا بهاك القضية بوجه عام
ميليشيا وحروب بضياع وقرى
وجيش الوطن زرعوا بقلبو الإنقسام
ومن بعد ما خسروا وضعفوا يا ترى
وحدو الشعب دافع ضريبة يا حرام
غزة بعد عامين هيي مدمرة
ولبنان وجنوبو ركام علا ركام
كنا بتاج الشرق أجمل جوهرة
وسويسرا كِنا قبل ستين عام
إنشالله الوطن تِرجع قراه معّمرة
ترجع فلسطين دولة موحدة
وشمس العدالة تشع ويعم السلام
