شعر: جون كرم
شاعر أنا وبليل أحلامي
بحيك قصايد شعر إلهامي
وبالحلم بتلاقي بحوريات
بفردوس وسع الكون مترامي
وفجأة إلتقينا تشابكوا النظرات
إسألتها يا تقبري عضامي
ليش نحنا عالأرض بالذات
وتاريخنا حروب وقتل دامي
وليش عنا شاعر الكلمات
وكاتب الكلمة ما إلو قامي
وليش إنتوا بصفوة النيات
فيكم براءة قدرها سامي
حابب أنا يا حلوة الحلوات
إغفي معك عا ريشة نعامي
تزوجيني شهودنا النجمات
هيك بنسى دموع آلامي
قالت نعم وعشفافها بسمات
وعاقد ما كان اللقا حامي
وعيت من حلمي تلات مرات
وحتى الحلم ما ينتهي ناديت
يللا يا عيني إرجعي نامي
