شعر: جون كرم
الإنسان أصلو تراب من تربة وطين
ومن آدم وحوا الخليقة تشكلو
ومن بعدهم هابيل مع خيو قايين
كان قادر لخيو بحقدو يقتلو
أولاد إبراهيم من ماضي السنين
بشرق وغرب كل الشعوب تغلغلوا
الرب واحد والخليقة فرد دين
هالكون هيك منعرفو من أولو
واليوم في دروز ونصارى ومسلمين
وأديان قد ما بدكم لا تسألوا
فتنا بحروب وقتل عا شمال ويمين
والطمع والمال عم يتغازلوا
ربنا يا ناس رب العالمين
بيكفي بقا حقد وضغينة نحملو
الله عطانا فكر ودماغ ويقين
ولولا الحقيقة جارحة لا تزعلوا
أي متى منرجع شعوب مسالمين
وأي متى المش متلنا منتقبلو
وأي متى منرجع شعوب موحدين
وعقل العطاه الرب لجموع البشر
أي متى هالعقل رح نستعملو
