شعر: يوسف زمكحل
مش حقدر أكمل وياكِ
وادوب تاني في هواكِ
مشاعري أنتي جرحتيها
نهايتنا أنتي كتبتيها
أنا يا حبيبتي الحب
بالنسبة لي هو حياتي
هو الشمس هو الميه
أنا يا حبيبتي الحب
هو اللي بيقويلي حياتي
وأن ضاع الحب يا روحي من قلبك
حقدر أقول أزاي بهواكِ ؟
مش حقدر اكمل وياكِ
أنتي السبب في اللي جرالنا
بعد ما كنت بحبك
ومش شايف حد سواكِ
اتحملت يا روحي كثير فوق طاقتي
ما أنتي ياما ظلمتي
وياما جرحتي
أنا من غيرك دلوقتي
صعب يا حبيبتي أعيش
وعزة نفسي كمان من غيرها
مقدرش يا روحي أعيش
أنا دلوقتي بودع في قلبي هواكِ
وبقولك آسف مش حقدر أكمل وياكِ
مش حقدر أكمل وياكِ