شعر: صباح غريب
اسكت بقى
أصل الكلام مالهوش لزوم
أيه راح يفيد أنّي ألوم
لمّا الجراح تيجي بإيد
مفروض بتحمي قلبنا
وسط الهموم
أسكت بقي
أتغيّر الليل في اللّقاء
مابقاش حنون
حتّي القمر اللي بيجمع شملنا
مابقاش يكون
حاولت أنسي إنّما
كلّ الظّنون أتجمّعت وأتشكّلت
في صورة أنت رسمتها
بين الجفون
أسكت بقي وأرحل بعيد
إيه راح يفيد
كلّ الكلام ولّا الملام
حيرجّع الحلم البعيد
حيرجّع الوهم
اللى عشنا فيه سوى
حيرجّع الحبّ
اللى دوّبنا وتهنا ف الهوى
من غير جناح أنا كنت
طاير للسّما
أسكت بقي
يمكن ألاقي خطوتي
شايفه طريقها لسكّتي
يمكن أعيش الحيرة تاني
ف دنيتي
أمّا معاك فأنا بقدم أعتذار
لو كان معاك نور النّهار
لو كلّ خطوة في طريقك أنتصار
فأنا أفضّل الانتحار
أسكت بقي