مها العَشيري
قلت .. ارد عليك وأقول
إحساسي بيك كده على طول ..
كلامك فوق الوصف والمعاني وله حضور …
كلامك يرسم قصص عشاق وليالي سهر علي السطور…
وقد ايه سكوتك كلام تشدّك حروفه من غير فتور ..
جميل الاختلاف زي جمال الفصول
هو مين بيشتري إحساس .؟
ومين زي الملايكه ولا يشبه ناس ؟
غالي كده زي الدهب والماس …
عارف تقول اللي في قصدك ..
خيالك ونبض قلبك هما قلمك ..
وليلك سهران في دربك ..
والشعر كلامه منِّك
تشهد عليه حكاوي عمرك
ولحظة مايخدك خيال يبقي مين قدَّك
تسافر معاه سنين طوال قد شوقك وقد حُبك