بقلم : سناء سراج
قبل ما تقولي ابتسم
هات منديل ..
امسح بيه دموعي ..
هات منديل اشيل
فيه احزاني وهمومي ..
هات منديل اكتم
بيه اوجاعي اللي
بتمزق ضلوعي ..
وهات كمان منديل
أصُر فيه خيبة ..
ايامي وسنيني ..
هات منديل يأخي
اخبي فيه قهرتي
وخبتي وكسرتي ..
هات منديل احط
فيه خذلاني من
اهلي و خلاني ..
هات منديل يكفيِ
الّاهات اللي مخنوقة
في حلقي وبين ضلوعي..
وهات كمان دستة
مناديل تكفي اللي
هاشلهم من
حياتي و ظنوني..
وهات وهات
يجي متر قماش ..
للدموع والاهات
والندم علي جاي
واللي فات من ..
أيامي وسنيني ..
وبعدها اطلب
تشوف ابستمتي …