شعر: فريد زمكخل
أيوا عايزكْ ولسه عايشكْ في كل ثانية
وأنتِ عندي حاجة تانية
بسمه حلوه ضحكه صافيه
فجر شوقه نسمه ناديه
يمسح دموعنا لما تبقى عيونَّا باكيه!
وكل دمعه من دموعنا يا حياتي عنده غاليه!
فجر عاش كل كلمة حب بينَّا لسه حيه
كل همسة شوق بينّا هاربه .. عايشه خايفه
لما نضحك وايانا تضحك .. تملا كل الدنيا فرحه
مهما كانت الدنيا وحشه مها كانت الدنيا قاسية
قبل ما لقاني فجأة وحدي
أشرب وطيفك نخب سُهدي
وكأنك خلاص رضيت ببعدي
أبكي وتضحك فرحان بوجدي
نسيت بإن السُهد مُعدي
راح يجيبك شوقه عندي
تطلب مني حبي وودِّي
تُطلب قربي وتلعن بُعدي
وأنت بتبكي وأنا المجروح
قلبي يقول ده غير مسموح
كفاية تسامحه مليتني جروح
والشوق في عيوني كتاب مفتوح
والدمع بيجري هيام مفضوح
وقلبي يقول ده غير مسموح
كفاية تسامح مليتني جروح
إمتى حيفهم يا حبيب الروح
بأنك عمري وروح الروح