خواطر: سناء سراج
ليه القلب يبكي من غير دموع
وليه الدموع مخنوقة جوانا في العيون
وليه التنهيدة نار بتحرق في الضلوع
ليه الحزن والاّسي
استوطن واحتل حياتنا
ليه مبقاش جوانا نفس نضحك ..
نفرح .. ننسى همومنا
ليه الأمان هجرنا والخوف سيطر
علينا يخنقنا
ليه كل حاجه فقدت طعمها ورونقها
ليه مبقاش نفسنا فى حاجه
ليه نسينا ازاي نحلم
ولا بقينا حاسين اننا
مش محتاجين اي حاجه
ليه ماتت رغباتنا واندثرت
احلامنا وراحت أيامنا
ليه راحة البال بعيدة
ليه احلامنا بقت عنيدة
ليه حتى دموعنا ..
بقت بخيلة وشحيحة
ليه كل حاجه حلوة مشيت وسابتنا
ليه يادنيا معندانى
ليه بتيجي علينا وسحلانا
ليه ياقلبي بنبكي
من غير دموع