شعر: جون كرم
من وقت ما بهالكون مرسالي
غط وبصوتو العذب غنالي
ومن وقت ما طفل الأمل دبدب
تعمق سؤالي بصوت موالي
بالمدرسي بالصف بالملعب
لا تسألوا كيف كانت حوالي
كنت إسأل بس ما إتعب
عن بداية وعن عمر بالي
وليش شعب بيخلق معذب
وعن حالهم ليش إنشغل بالي
وفي ناس خلقو بمعصم مذهب
وناس عم تلبس من البالي
ومن وين جينا والوضع أصعب
ولوين رح نرحل بهالحالي
بكون واسع وبمدى أرحب
ضيعت حالي عم بيعتب
ضيعت حالي وضايع بهالكون
ولليوم عن فتش حالي
