شعر: صباح غريب
ودي روح بتسكنّي
ولّا خَدِتْ روحي ؟!
إزاي معاك سعدي
وأنا عايشة بجروحي ؟!
أبصّ في مرايتي
ألاقيك بقيت صورتي
أبصّ من تاني
ألاقيك بقيت روحي
أبصّ من تاني
ألاقيك بقيت شبهي
وسكنت فى مرايتي
أخاف أشوف ناسي
بعدين ينادوني
أنسى إنّ دا اسمي
حقيقة من حيرتي
اسمك بقى اسمي
رسمك بقى رسمي
حقيقي يا مرايتي
ولا خدعتيني
عنّك بعدت بلاش
حتّى تجاوبيني
أنا واقفة أهو لوحدي
والاسم في شهادتي
علي حرفها صورتي
وخرجت ويّا النّاس
يمكن يفيدوني
فلقيت ملامح البشر
اتغيّرت تاني
ليه كلّ تفاصيلك
صبحت تفاصيلهم؟؟
وفين أروح منهم ؟؟
سامحيني يا مرايتي
صورته مهيش فيكي
دي ساكنه في عيوني
دي روحه ساكناني
هيّ الليّ أسراني
لو قلت اروح أبعد
هيّ اللي سجناني
ورجعت من تاني
أبصّ في مرايتي