شعر: جون كرم
أنا إبن الجنوب وبالشهادي
ما بدي من حدا آخذ شهادي
ولأنو النفس عندي نفس حرة
بعرف شو لها معنى الشهادى
بليلي وعيت كم مرة بمرة
إتشقلب على بساط الوسادي
وكم مرة شربت كاسات مرة
متل بلاد مسلوبي الإرادي
وبلادي الكانت بهالشرق درة
ولكل الكون مرتع للسعادي
القمر بمرايتو عليها تمرى
وعطاها بالسحر أجمل إفادي
ولأنو كتار بيحبو المضرة
ولأنو ما بيحبوها الأعادي
وتجار الوطن جوا وبرا
باعوا الموطن وباعو السيادي
ولعبوا بشعبنا نقشة وطرة
تاصرنا بلا رئيس ولا رئاسة
وقدروا يدمروكي يا بلادي
