إرجــعي

بقلم: جان كرم

إرجعي كرمال الله من عّلاكي
تا يصبح مستوايي بمستواكي
أنا خلقان بالكون الترابي
وأنتي قصرك بسابع سماكي
أنا والفقر في عندي قرابي
ومع المظلوم في عندي شراكي
وإنتي طايرة فوق السحابي
وكل الناس عم تركض وراكي
إرجعي تا ترجعيني عا شبابي
إنزلي حتى بعينيي آراكي
إرجعي كوني إلي نغمة ربابي
إرجعي تا الورد ياخد من حلاكي
شو بينفع إذا رجعتي بغيابي
وشو بينفع بعد مشوار عمري
تعودي من علاكي يا ملاكي