شعر: جون كرم
بقلب البشر في حقد في إيمان
بفكر البشر في عهر في وجدان
والقال عنا ولاد الله بقول
وين الله بفعل ماضي كان
بحروب فيها قاتل ومقتول
لهروشيما الموت باليابان
وحربين بالعالم بعرض وطول
بلدان ضاعت دمّرت بلدان
وإجرام عم يخرج عن المعقول
بأوكرانيا فلسطين وبلبنان
وغزة متل لقمة بتم الغول
برجالها بتواجه العدوان
المجرم بتاريخ الدني مجهول
الآدمي عم يدفع الأثمان
مين يا رب الدني مسؤول
عالقتل عالإجرام عالطغيان
وليش شعبك بالحقد مجبول
ووين شعب الصام والصلى
عنك بعيد وعنك تخلّى
وعن رحمتك شو بعاد يالله
الإنسان لما بيقتل الإنسان
