شعر: جون كرم
باب ألوانو جميلة مزخرفي
صاحبو يمكن بعيدو محتفي
لكن إذا طرقنا بواب الكائنات
ولولا نسينا همومنا والعاطفي
باب المن بوابو دخلنا عالحياة
وبسرير دارو جفنا الحالم غفي
ذاتو الباب منطرقوا بيوم الممات
لما سراج العمر فينا ينطفي
باب السعادة في إلو ذات السمات
منشوف شلالات حبو طايفي
وباب التعاسة مسود الأربع جهات
الناس اللي عم تقطع عتابو خايفي
باب الطفولة بتزهر بأرضو الصفات
والختيرة فيها بواب المعرفي
لا تخافوا لو حدا من الباب فات
خافوا من البيفوت من باب الخفي
