شهد الرئيس عبد الفتاح السيسي -اليوم الثلاثاء- احتفالية عيد العمال، التي نظمها اتحاد عمال مصر، بمحافظة الإسكندرية، بحضور محمد سعفان، وزير القوى العاملة، ورؤساء الاتحادات والنقابات العمالية، وعدد من المسؤولين في الدولة.
وألقى «السيسي» -خلال الاحتفالية- كلمة هنأ فيها عمال مصر بعيدهم، وناشدهم بضرورة مواصلة العمل لتحقيق التقدم والتنمية المنشودة.
وقال: «كل سنة وانتم طيبين جميعًا، وكل المحبة ليكم، النهاردة يوم جميل، فيه عرفان كتير للجهد والعمل».
وأعرب عن احترامه وتقديره للعمال المصريين في مختلف المجالات، قائلًا: هو إحنا لينا مين غيركم، ولينا مين غير شعب مصر كله».
وشدد على أهمية قيمة العمل، قائلًا: «العمل ده قيمة عظيمة جدًا، والدول المتقدمة متعملتش بقيادة أو بنظام، لكن اتعملت بإيد شعبها كله»، موضحًا أن «الجدية والإتقان في العمل هيحقق لمصر اللي شعبها بيتمنوه».
وأشاد بدور الشعب المصري في مسيرة الإصلاح الاقتصادي، مشيرًا إلى أن ما حدث خلال السنوات الماضية، تم بفضل جهود الشعب المصري، بما فيهم العمال.
وأضاف «ما تم الإعلان عنه من زيادة الأجور والمعاشات لا يعتبر ثمار الإصلاح»، موضحًا: «لو قلت إن ده ثمار الإصلاح أبقى بغشكم وأضحك عليكم، والإجراءات اللي اتم اتخاذها كانت قاسية بمعنى الكلمة».
وأوضح «أنا صادق معاكم، لسة بدري أوي، ولسة فاضل قد اللي اتعمل ده مئات وآلاف المرات»، متابعًا: «الدول مش بتبطل شغل، والعالم كله بيتحرك وبينافس بعضه عشان يحقق لشعبه الخير».
وناشد عمال مصر في كافة القطاعات العامة والخاصة، ببذل قصارى جهودهم لتحقيق التقدم والنمو.
وقال «السيسي»، «اوعوا تكونوا فاكرين إن العمل صلاة بس»، موضحًا: «اللي بيسوق السيارة في الشارع ده عمل، وأي إجراء بنعمل ربنا بيشوفوه وهيحاسبنا عليها».
وأشار إلى الآية القرآنية «وقل اعملوا فسيرى الله عملكم ورسوله والمؤمنون»، موضحًا: «وإحنا بنعمل أي عمل لازم نعرف إن ربنا شايفنا».
وشدد على أهمية وقيمة السوق المصري، قائلًا: «إحنا سوقنا 100 مليون مصري».
وتساءل: «يا ترى إحنا اللي بننتج كل قمصانا وبنطلوناتنا وكرافتتنا؟»، مشيرًا إلى استيراد مستلزمات إنتاج بمليارات الدولارات كل عام.
وطالب بضرورة العمل على تغيير نظرة المجتمع المصري إلى التعليم الفني، مشيرًا إلى دور الإعلام والفن في هذا الإطار.
وأوضح «لازم نجهز أبناءنا وبناتنا بشكل صحيح لسوق العمل، خلال السنوات المقبلة»، مضيفًا: «مينفعش كل سنة يكون عندنا 100 خريج من كلية الحقوق وزيهم من كلية التجارة».
وردًا على مطالبة أحد الحاضرين له بالاهتمام بالنقل العام، قال «أوبر نجح ليه في القاهرة، والنقل العام والسكك الحديدية فشلوا؟».
وأضاف «مش انت السبب، ومش أنا كمان السبب، كلنا مع بعض السبب في الفشل والنجاح».
وجدد تحذيره للمواطنين من خطورة زيادة الوزن، قائلًا: «أنا بضحك معاكم يعني، لكن قمة الصحة إننا نخلي بالنا من نفسنا شوية».
وأوضح «أول ما بشوف حد وزنه زيادة بقول على طول ده مبيشتغلش»، مضيفًا: «اللي بيشتغل مفيش مجال له إن وزنه يزيد».
وأكد على أهمية تحقيق الأمن والاستقرار، للنهوض بالدولة وإحداث التنمية المنشودة، وليس من اجل بقاء الرئيس في منصبه.
وأضاف أن «السلام والأمن والاستقرار والهدوء هم السبيل لتقدم الدولة دي ونموها، مش عشان الرئيس يقعد»، متابعًا: «لو كانت القضية بيني وبينكم إني أبقى هنا فلا والله، لكن القضية إن مصر تفضل هي مصر»، على حد قوله.
وأشاد بتجربة الاستفتاء على التعديلات الدستورية، قائلًا: «الدنيا كلها اتكلمت عن الاستفتاء بغض النظر عن الرضا أو العدم الرضا والقبول أو عدم القبول».
وتعليقًا على رفض البعض للتعديلات الدستورية، قال «مفيش حاجة عليها إجماع بنسبة 100%، وأكيد في ناس هتقول اه وناس هتقول لا، وده صح ولازم نقبله».
وأثنى على ما وصفه بالمشاركة الكبيرة من الشعب المصري في الاستفتاء على التعديلات الدستورية.
وأضاف «أقول لكم على حاجة، انتم جبرتم بخاطري وخاطر مصر»، موضحًا:«الشعب المصري قدم مشهدًا حضاريًا يُضاف للمشاهد الوطنية في حلقات التاريخ».
