كلمات / يوسف زمكحل
سلام يا حبيبي ببعتلك … سلام يا حبيبي مشتاق
ده قلبي اللي أنت ناسيه … وعمره في يوم ما نساك
عايش يحلم بيك … ودايب دوب في هواك
صعبان عليّا تفارقه … ويدوق مُر جفاك
ياما ناديت على قلبك … يخفف عني قساك
ما أنت يا روحي حبيبي وما حبش حد سواك
فضلت اتحايل على النسيان يصبر شوية على نسيانك
واترجى فيه أنه يسامحك … ويرجّع تاني نبع حنانك
ويشيل من قلبي كل جراحه … بس يسيب ويخلّي مكانك
آه من لوعة حبك آه … آه من قسوة قلبك آه
ده حتى عذابي يا حبيبي ويّاك اخدت عليه وبقيت بهواه
فات من عمري كثير في هواك وشوقي بيحلم يتمنى رضاك
أنت حياتي وبحر ومينا … وقلبي سفينة هواها مرساك