شعر: صباح غريب
أقفل شبابيك الهوى
كل الرياح مسامير
القلب ساكن برد
والجو مش أمشير
مستني إيه م الوقت
كل الساعات عاجزة
ترفع حمول القلب
وتدوبّ المتاريس
تفرد شراع قلبك
فوق عالم الأحلام
مستني مَدّةْ إيد
روحه اللي مسجونة
ما بين بيبان م الوجع
في حلم مش مولود
قلبك وقف عريان
مستني بلة ريق
من أرض عطشانة
الوقت ده مش ليك
أياك تصدّقهم كل الكلام داءهم
كل الكلام أساطير
أقفل بيبان القلب
واتوصى بالمتاريس
أياك تكون قشه هشة ف وسط الريح
يصطادها قلب جريح
