شعر: الأرشمندريت مكاريوس وهبي المخلصي
ساعة يدقّوا جراس العيد
ساعة العيد بيتأخّر
ساعة بيلغولي مواعيد
ساعة غيابك شو بيقهر
ساعة بتلبس توب جديد
ساعة بتحلى وتتغندر
ساعة سوارة بي هالإيد
ساعة وجا بيتجوهر
ساعة تفكّرها تقليد
ساعة بطَيْفا بتتمسمّر
ساعة بتركض إيد بإيد
ساعة سيلفي بتتصوّر
ساعة بتْشوفا من بعيد
ساعة بقلبك تتمختر
ساعة راسا من حديد
ساعة رأيك يتقهقر
ساعة إحساسا من جليد
ساعة حسّك يتمرمر
ساعة بتلحقها تجنيد
ساعة بجلسة تتحسّر
ساعة لهفاتك بتزيد
ساعة الشوق بيتشحّر
ساعة مشاويرك تنهيد
ساعة الطريق مسكّر
ساعة تْوصّلّك بريد
ساعة بفكرا تتمحور
ساعة بتْرنّ بترديد
ساعة الجوّال مكسّر
ساعة زعلانة من جديد
ساعة لْروحك تتسرّر
ساعة بونجورك سعيد
ساعة نهارك ما تسوكر
ساعة مطبخها رغيد
ساعة ما فيك تتسحّر
ساعة بتسمعلك مشيد
ساعة غرابك تتشكّر
ساعة عمرك الله يزيد
ساعة بتدعي تتسفّر
ساعة موهوب وصنديد
ساعة ويلي شو معتّر
ساعة شغلك عمّا يزيد
ساعة كسلان محنتر
ساعة رأيك شو سديد
ساعة الفطنة بتتكسَّر
ساعة يْحَمْلوك بواريد
ساعة يشكّوك بخنجر
ساعة غيابك لا ما بريد
ساعاتك متل السكّر