بقلم : سناء سراج
غربا في دنيا كبيرة علينا..
غربا وسط الناس اهلينا ..
غربا حتى عن أنفسنا ..
غربا عن حبايبنا ..
دورنا فيكي يا دنيا
عن احباب..
ولما لقينا فيكي
يا دنيا الحب ..
اتاريكي زرعتي
في قلوبنا الحزن ..
اخدتي يا دنيا كتير
اكتر ما بتدينا ..
مش عارفه انتي غداره
ولا الناس هما الخاينين
من يوم ما عرفناكِ
يا دنيا عايشين ضايعين
ذوقتنا طعم الحرمان
شربنا كأس كله مرار
خدينا يا دنيا لطريق الدمار
حرمتينا من الحنان
في قلوبنا مبقاش
مكان للامان ؟
جرحتينا يادنيا واحنا
جايين لك بالاحضان
اتاري يا دنيا حضنك كله
دموع وعذاب ..
عشنا في نار وحدينا
غربا عن أهالينا
في بحورك دوبتى قلوبنا
في دموعك دوبتي عيونا
خدتي يا دنيا احلى ما فينا
اتاريكي يا دنيا زي ما انتي
تاخدي اكتر ما بتدينا
ياريت يا دنيا ما عرفناكِ ..
ياريت في يوم ما قابلنا كي .
ولا دوبنا الحنين
و السهر والانين ..
عشنا معاكِ رحلة عمر ..
اخدتي سنين العمر ..
ياريت يا دنيا بعد اللي راح
تقدري تخلقي فينا الحياه
بعد ما خدتِ حبايبنا ..
بعد ما اخذتي أهالينا ..
بعد ما اخدتي
اغلي ما لينا ..
بعد ما فارقنا الأمان ..
بعد ما ودعنا
الضحكة.. والحنان
ايه اللي باقي
عشان تخديه ..
دا احنا بقينا بقايا .
عايشين.بتدوبنا
الاحزان ..
عايشين فيكي
عشان تخدي ..
منا كمان وكمان..
غربتينا توهتينا…
وبعد دا كله سبتينا
لوحدينا..
كنتي خديني
في حضنك …لا
دا انتي حضنك غالي ..
خد منا اعز مالينا ..
احلي ما فينا..
عايشين أيامنا
بذكري حبايبنا
نلمحها في عيونك
بس يا دنيا ياريت تسبينا
بعد ما غربتينا ..
عايشين غربا.
غربا لوحدينا..
بعد ما راحوا حبايبنا واهلينا
غربا..غربا.. لوحدينا
غرباء