شعر: جون كرم
لما يا إمي كنت أحمل هم
كنتي يا إمي حاملي همي
ولما بزغري كنت عيش الغم
كنتي يا إمي عايشي غمي
وبطلعتي وسرة شبابي كم
كنتي شبابي وطلعتي تنمي
كنتي الحلى لما الشمل يلتم
عيلتك من حولك تلمي
وحتى السلام بكل قلب يعم
كنتي المحبة وصاحبة هِمي
كنتي بشراييني وعروقي دم
واليوم بعدك عايشي بدمي
كل أم رح عيّد بعيد الأم
بقدملكم وردة شذاها حب
وعندي تمنى نابع من القلب
وبيعدكم رح أطلب من الرب
تضَلوا بنظرنا دوم بالقمِي
ومن دون ما أذكر حدا وسمّي
كل إم هيي بعيدها إمي
