شعر: الأرشمندريت مكاريوس وهبي المخلصي
صيفك ألفين وعشرين
صفّر قجّة هالمسكين
قيصر سلطانو ع المال
ع المازوت وع البنزين
القمح المزروع بتشرين
يفقي عيون المغتصبين
والطاغي دينو الإجهاض
سَبقِت نارو الحصّادين
معقولة بقرن العشرين
طبّ وحكمة وأسبيرين
ومعقولة بعد الألفين
عالم حكّامو مجانين
حكّام الأرض من سنين
طفّو الحبّ وباعو الدين
معبودون صار الدولار
وكتابون خطّ شياطين
شعبك ياربي مسكين
وحدو إيمانو تأمين
كلمة من عندك ناطر
ترفع عن قلبو الإسفين