شعر: جون كرم
خمسين عام من الوعد والإنتظار
وخمسين عام من المشاكل والدمار
وخمسين عام من التعاسة والحروب
وخمسين عام من الكذب والإنتحار
لبنان دمرتوا ودمرتوا الجنوب
شوفو وطنكم وين كان ووين صار
الله الخلقكم كيف رح يمحي الذنوب
يا مافيا وميليشيا وحكام عار
بشعارات الوهم خدرتوا الشعوب
ضحكتوا على العالم بوهم الإنتصار
بفضلكم بيروت مالت عالغروب
لما إختفى المرفأ بفعل الإنفجار
دولة وإسم دولة بدويلة عم تدوب
ما في فعل والأسم يمكن مستعار
والعدالة من هروب علا هروب
ما في ولا مجرم بقلب الحبس صار
يا مين دمرت الوطن حلك تتوب
ويا حكم دولة مستحية إستحي
وكيف بدو العار عنك ينمحي
وإنتي شبه دولة لا فعل ولا قرار
