شعر: مها العَشيري
مش عارفه احبك زي زمان..
ولا قادره اكون في هواك ولهان
ولاخدني شوقي ليك والقمر سهران
ولا عارفه بقينا ازاي كده تايهين في نفس المكان
وازاي بقينا كده ولا فارق مين صح ومين غلطان
كنت فاكره ان بكره مصالح في الهوي قلبي
وال فات عدي ومات بدواير النسيان
لقيت الشبه واحد والاختلاف بس في لغة اللسان
تبتدي الحكايه بوردايا وزهرة ريحان
بين الورق تتخبي في غناوي زمان
وتعدي ليالي كده بميت ألف سؤال وسؤال
ترسم نهايه من غير ملامح ولا الوان
تتوه منا الخطاوي يمين وشمال
ورحله وراها رحله نرجع تاني للاوطان
ونعدي بإدينا المحن ونقول ده كان وياما كان
وقلبي لسه في حضني لاحاير ولا ولهان
و قادر مع الايام يختار وقادر ياخد قرار