شعر: صباح غريب
يادنيا ليه فيكي اتخدعت
لا فيكي رحت ولارجعت
والدّمّ هربان م الوريد
و فيكي ضعت
صرخة وليد
دمّ الشّهيد
لا عدت حاسّة ولا سمعت
الكلّ عايش بالخداع
ولا عمري بعت
هي بلدنا وحلمنا
دي تبقي أيه ؟
إلا بقايا شعبنا
وشعبنا ركب الخيال
عاش المحال جوّا السّؤال
ركّب وشوش فوق الآمال
عالفيس وعايش ف المحال
فارس وعاش فوق الجبال
لاعمره صاد
ولا يوم ركب حتّي الجمال
دا شعبنا ركب الخيال
فك السّروج
ساب الحصان جوّا البلد
طب ليه حيسرح ف الغيطان
وليه حيدهن بيته كلّه بالدّهان
مادام حيسرح ع البيبان
مادام حيرسم صورته
دايما بالخيال
متعطّرة فوق الحيطان
هي بلدنا وحلمنا
حتبقي أيه إلا بقايا شعبنا ؟
وشعبنا ركب المحال
جوّا الخيال