شعر: صباح غريب
حكون ليكى
كما العابد فى محرابه
يصون ترنيمه فى كتابه
ويقفل كل يوم بابه
ولو جالس باعتابه
حوريه تسحر الألباب
حكون ليكى
ككلمه شوق فاغنيه
وهمسه حلوه منسيه
وصرخه شوق مدويه
حكون ليكى
كما العاشق فى عز الليل
وعايش فى الضنى والويل
بيغزلك خيوط الفجر
تنورلك ضلام الليل
ويهديكى ورود الصبح
تعطرلك مناديلك
وأناديلك
حكون لك أحلى أغنيه
وبس ياريت تصارحينى
حتبقى أنتى أيه ليه؟