شعر : صباح غريب
قلم رصاص
بيرسملي خطوط الفجر
فتنور
بيرسملي ملامح حلوة
بتفكر
بيرسملي أمل وحياة
كمان تكبر
بيرسملي كمان بكره
بيتصور
بيرسملي ملامح وجهك البسام
بيرسملي حكاية كلها أنغام
بيرسملي خطوط الليل
لما الشمس بتروح
بيرسملي ملامح خضره
وزرعه لسه راح تطرح
بيرسملي كمان تاني
معاني لسه راح تفرح
وأنا قاعد ف مكتبتي
وبرسم كل يوم شكلي
وأنا راكب حصان فكري
ومالي الدنيا بالألوان
بيرسملي
بيرسملي كتير حاجات على باله
بس بخاف لأنه
في ضهر القلم ممحاه