شعر: صباح غريب
هاتلي اسم غير اسمي
وهاتلي رسم غير رسمي
وهاتلي شكل غير شكلي
ومتكترش في مشاكلي
وهاتلي من الزمن وقتي
وهاتلي من السنين عمري
تحييني متقتلنيش
وهاتلي في الطريق زادي
يكفي كل اعيادي يفرحني
ميصدمنيش
وهاتلي كمان طريق للبر
يوصلني ميفوتنيش
وهاتلي نسمة فرحانة
وهاتلي ضحكه سهرانه
توديني ومتجبنيش
وهاتلي من النجوم فرحه
وهاتلي مالسما طرحه
تغطيني متكشفنيش
وهاتلي نهار ملوش اخر
وطول ليله ميشغلنيش
وهاتلي حكاية وردية
وقصة حب منسيه
وتاني اعيش واقول ان الزمان جاني
وانه بفرحه هناني
هنا الدراويش