شعر: صباح غريب
وقالوا النّاس : بلاش حتموت
وقلت : ياريت .. مادام حيعيش
لكن شفتك …. حقيقتك أيه
أكنّ الصورة دي لملاك
وجوّا القلب دا مصيبتك
ملاك كدّاب لكنْ عفوًا
ما فيش بين الملايكة شيطان
أنا سلّمتك الرّاية
بقيت عايش بلا أوطان
يا كدبة اتشكلت توبها
بيحرق روحي والأبدان
أنا إنسان
وصابر فوق جبال الشوك
عشان احرس لك الغيطان
زرعت الصّبر من مُرّي
طرح علقم بطول فدان
ياكدبة أتحوّلت إنسان
أنا تعب الكلام مني
وخلص الحبر م الأوطان
تراتيل الصلاة خلصت
وخلصت جلسة الغفران