شعر: صباح غريب
مين اللي دلك يابطل
عن سر أسرار الحياة
وقت النجاه
تسكن حياة العاشقين
المغرمين بأسم الإله
مين اللي قالك يابطل
الأرض عرض وشرف
إزاي تصونها م التلف
من تحت أقدام الغزاه
وإزاي حياة تسكن حياة
وقت الخلاص …
مافيش خلاص
طول مالبيادة معلّمه
من فوق غصون شجر الزيتون
مين اللي قالك ع الخبر
إنه أنتشر
دي روحك الطاهرة
بتخرج في السحر
لجل أما تسكن جنبها
مليون بطل (سنوار )
عاشقين طريقك للحياة
