أنا أنتي

شعر: صباح غريب

أنا ضلّك أنا أرضك أنا وطنك
أنا الشّوق اللي جواكي
وبابعد بسّ بلقاكي
فى ليلة غربة واخداكي
أنا أنتي ومين يقدر ويؤمرني ؟
يقول ياحبيبتي أنساكي
ومين فى البعد حيصوني ؟
وسايب روحى جواكي
أنا النيّل اللي يرويكي
أنا بالدمّع أسقيكي
أنا النبّض اللي جواكي
وجوه قلبي يحييني
أنا أنتي ومين يقدر ويؤمرني ؟
يقول ياحبيبتي أنساكي
أنا بسمة أمل فيكي
تنوّرلك لياليكي
وتمسحلك دموع عينك
أنا الرّوح اللي تحييكي
أنا نجمة لياليكي
أنا فرحة أمانيكي
أنا بسمة أمل ليكي
فعزّ الحزن وخداكي
أنا قلبي مالهُش شراع
وموج البحر واخدني
يغرّقني ويحييني
أنا غارق … أنا غارق … أنا غارق
ومرسايا الوحيد فيكي