كلمات / يوسف زمكحل
حبيبي صالحني بعد الخصام
ورجّع لقلبي تاني الوئام
أول ما شفته راح الكلام
ونسيت العذاب ونسيت الملام
حبيبي صالحني بعد الخصام
كان منايا تبعتلي كلمة
تخفف عليّا عذاب قساك
أو حتى نظرة من عينيك
تطفّي ناري وشوقي لهواك
ده البعد عنك ظلم وحرام
حبيبي صالحني بعد الخصام
سألته ليه بعدنا ليه ؟
أحنا أتحسدنا وألا أيه ؟
ما أنت عارف يا حبيبي
حبي ليك قد إيه
من غير ما اقول إزاي وليه
الله على حبك يا حياتي
بيخلّيني فرحان بقول الله
الله على حُبَّكْ الله يا سلام
حبيبي صالحني بعد الخصام
ورجّع لقلبي تاني الوئام
اول ما شفته راح الكلام
ونسيت العذاب ونسيت الملام