شعر: جون كرم
صرلي بمونتريال شي خمسين عام
عايش مع الأحباب والناس الكرام
وكل سني بالعمر عم نكبر سني
والعمر عم يمشي بسرعة للأمام
أربعين سني صرلي بشغلي إعتني
ببيع وشرا عامل الناس بإحترام
ما كان همي من الشغل أعمل غني
كا همي بالصدق إترك علام
ستين سني يعني بعمر الولدني
كتبت القصيدة والمعنى بإنتظام
ويا ما قصايد قلتها عن موطني
وزرعت قمح الشعر بحقول الكلام
هجرت الوطن فتش عن العيش الهني
وكان الوطن حرب وصدام وإنتقام
خمسين سني دبلت زهور السوسنى
والعمر عم يركض على دروب الوجود
وبالعمر يللي راح مش ممكن يعود
وبعدو الأمل بكرا على الموطن نعود
وبعدو بلدنا عم يفتش عالسلام
