شعر: فريــد زمكحـل
أحلى ما فيك يا حبيبي غرورك
لما يبان جبار فى عيونك
لما ينام محضون بجفونك
أحلى ما فيك يا حبيبي غرورك
يلّي عيونك ما بترحمش
خدتني وراحت فين ما عرفش
قلبي نداني وقال مقدرش
على نظرة عين ما بتسمحش
لحد يجرّب لمرّة يقرَّب ولا يسرحش
أحلى ما فيك يا حبيبي غرورك
لما يبان وتقوله عيونك
لما تنام وتضمه جفونك
بيبقى جمالك فوق الوصف
بتبقى الرقّة فيك بالحرف
بتبقى مشاعرك نسف بنسف
وكل ما فيك بيقود العَزف
أحلى ما فيك يا حبيبي غرورك
لما يبان وتقوله عيونك
لما تنام وتضمه جفونك
يلّي جمالك سعد ووعد
وسهم عيونك ما لهوش حد
مين بصلها والا حاورها
ومهما استنى جاله الرد
أحلى ما فيك يا حبيبي غرورك
لما تحبه والا تحسه عيون فـ عيونك
لما تنام وتضمه جفونك
أحلى ما فيك يا حبيبي غرورك
