شعر: صباح غريب
في أرض الخيانة
في ناس كدابين
بينسى اللي باع أنّه خان من سنين
ولمّا بنيجي نقول الوداع
تلاقي الأنين
يقولك ياصاحبي
: ليه غدر السنين ؟
كأنّه ما باع
كأنّه شراعك فى بحر الحنين
يقول : أنت قلبى
يقول :
أنت حبّى اللى مات من سنين
ساعتها تحسّ بألم م الضّياع
تصدّق وهوَّ عينيه كدَّابين
ولا تحسّ منّه بجرح الكرامة
وتنسى بطيبتك آلام السنين
يا تاخد قرارك تعيش جوّا نارك
يا ترحل وسايب جراح السنين ؟!
روحي وخداني
دي روحي شايفاني
هيّ اللي عارفاني
دايما وواخدني
في طريق مالُهْش رجوع
ودي روحي بتسيبني
دايما تغلّبني
وحيرتها تتعبني
فى طريق مالُهش رجوع
لاراضية عن رسمي
ولا حتّى عن اسمي
واخدانى اهه رسمي
فى طريق مالُهش رجوع