شعر: جون كرم
الإنسان فكر ومعرفة وطموح
وحب ووفا وقهر ووجع وجروح
ولما بهالدنيا خلق إنسان
شيد قلاع وأمكنة وصروح
ولما الطمع والشر عندو بان
صار في حمل الخطية ينوح
إبن حوا جبلنا الطوفان
واللي نجا كان بسفينة نوح
بهالكون في كفر وشقا وحرمان
وهجر ببلاد الدني ونزوح
بالكون ذاتو في صلا وإيمان
كنايس جوامع بالصلا بتفوح
زغار جينا لهالدني غلمان
وعشنا ضمن شو اللي لنا مسموح
كنا الربيع الواعد بنيسان
صرنا خريف وراق من دون روح
هيدا قدرنا بعالم النسيان
الدرب العليها عالدني جينا
رح منسلكها سوا ومنروح
