شعر: صباح غريب
الفرع إن مال بيعيب العود
والعود شيال لهموم الدار
الفرع حويط بيشد عيار
والعود مسكين
قلبه مقويه على نهر الخير
إزاي حيدوس حته نكون فيه
العرق أساس دساس بالحب
طارح احلام ماشيين ع الأرض
سكران م النيل والقلب عليل
أتوضى الليل بيصلي الفجر
الفرع اتاريه سكران م الكاس
بيصليّ لناس وقمر ونّاس
لا اتوضى ف يوم
ولا صلى الفرض
مايل لفراق ورقات التوت
ولا طامر فيه مين اللي شاريه
وف وقت الرّيح اتمسك بيه
الفرع ان ساب حيموت م البرد
لاجدور تداويه
ولا يشفع ليه سكان الأرض
أوراقه تطير من هزّة ريح
الفرع ان مال راح نسند فيه
جايز يداويه أو يشفع فيه
ترياق الحب
….والروح ترقيه
و الرقوه حياة
