الوفــــاء

شعر: جون كرم

الرب لما هالدني صمّم
وسلطتو بكل الدني عمّم
وكوّن سهل جبال مع وديان
وإرتاح لما المعجزة تمّم
بآدم وحوا بلش البنيان
الإنسان ربو خان وتألم
ربيت كلب بغابر الأزمان
تخليت عنو وما كنت إندم
رحت شفتو والفِكر حيران
وبزيارتي pako ما كان يعلم
شافني عليي ركض فرحان
ما عرفت بال هب هب شو تمتم
ورجعت عا بيتي وأنا ندمان
ورحت في عالم وفي إحلم
وشوف الفرق بالحب والتحنان
بإنسان بحروبو الدني هدّم
وبين كلب قلبو بالوفا مليان
ما بيحكي وساكت ومُعدم
تمنيت لولا بهالدني الإنسان
شوية وفا من الكلب يتعلم