شعر : جون كرم
بعيد ميلاد ال علي الموت إنتصر
طفل المغارة بالتواضع إشتهر
حامل صليبه عا طريق الجلجلي
ومن بعدها دحرج عن القبر الحجر
يا ساكن بجنة وفردوس العلي
ومكون الأكوان وممشى القدر
ضلك علينا يا إبن الله ولي
وإحمي الشعوب من المشاكل والضرر
ويا عام ختير عم بيركض هرولي
من مشاكلك ومصايبك الله ستر
منك حملنا بالكورونا البهدلي
وكنت قاسي وكان قلبك من حجر
ويا عام جايي في طلب واحد إلي
ورح خبَّرك من حضرتك شو المنتظر
لما بعد جمعة شعاعك ينجلي
يكون وجك خير عا كل الشعوب
وتكون عام الخير عا كل البشر