شعر: صباح غريب
أنا وانتي والأيام وحبة أسئلة
من فوق جبال الصبر مرجحنا الأمل
والحلم بيموت جوّا غابة الانتظار
جعنا سنين الظلم من صمت الكلام
الشيخ إمام ساكن ألم
نجم انتحر
وجيفارا مات
حتى الميدان شبعان سكات
فبلاش تخوني عهدنا
وتسلمّي أحلام ولادنا للضياع
والامتحان مكتوب على شطك
مجرد أسئله
والأجوبه……
يمسحها موج البحر ليه
والموج عفي
لا يوم يخاف ولا يختشي
حتى النتيجه ف عرض بحرك
قالوا: لم ينجح أحد
نرجع نذاكر ف التاربخ
إزاي قدرتي تكوني أنت المعجزه
نفشل فى كل الأجوبه
فبلاش تكوني إنتي والأيام سوا
و تسلمي روح القصيدة الملهمه
يدهسها قطر الأسئله والأجوبة
